~~~

እንኳን ደህና መጡ

 በስመ አብ ወወልድ ወመንፈስ ቅዱስ አሐዱ አምላክ አሜን!

 በኢትዮጵያ ኦርቶዶክስ ተዋህዶ በኦስትሪያ የደብረ ሲና ቅድስት ኪዳነ ምሕረት እና የሊቀ መላእክት ቅዱስ ገብርኤል ቤተ ክርስቲያን በኦስትርያ እና አካባቢው ለሚኖሩ ለተዋህዶ ቤተሰቦች ለሁለት አሥርት ዓመታት ያህል መንፈሳዊ አገልግሎት ስትሰጥ ኖራለች አሁንም እያገለገለች ትገኛለች።

 ቤተ ክርስቲያኗ ዘወትር እሁድ ማለዳ ፀሎተ ኪዳን ፣ ጥምቀተ ክርስትና ፣ ስርዓተ ተክሊል ፣ ፀሎተ ቅዳሴ ፣ ትምህርተ ንሰሓ ፣ ፀሎተ ፍታት እንዲሁም የሰብከተ ወንጌል እና የመንፈሳዊ መዝሙር  አገልግሎት በመሰጠት በዙሪያዋ ለአሉ የክርስቶስ ቤተሰቦች የመንፈስ ምግብ እና ለሀይማኖታቸው ብርታት ሆና እያገለገለች ትገኛለች።

 በሥሯ ባሉ እግዚሃብሔር ለአገልግሎት በፈቀደላቸው ወንድሞች እና እህቶች ብርታት ቤተ ክርስቲያኗ በየግዜው የሚከበሩ የቤተ ክርስቲያን ቅዱስ በዓላትን በመዘከር እና በማክበር የክርስቲያን ቤተሰቦች ከበረከቷ እንዲካፈሉ ታደርጋለች። በቋሚነትም ብርሃነ ልደቱን ፣ ብርሃነ ጥምቀቱን ፣ ብርሃነ ትንሳኤ ፣ ውብርሃነ መስቀሉን ፣ የታህሳስ እና የሐምሌ ገብርኤል ፣ የየካቲት እና የነሐሴ ኪዳነ ምሕረትን  እና ሌሎችንም ዓመታዊ ክብረ በዓላትን ታከብራለች።

 ቤተ ክርስቲያናችን እርሶ እና ቤተሰብዎ የበረከቱ ተካፋይ እንዲሆኑ ሁል ግዜም ጥሪዋን ታስተላልፋለች።